Ýaponiýanyň Aerokosmiki gözlegler agentligi (JAXA) çarşenbe güni uçurylan bortunda sekiz hemra bolan Epsilon raketa göterijisini uzak aralykdan ýok etmeli boldy. Bu barada JAXA-nyň wekili aýtdy diýip, TASS habar berýär.
Utinoura kosmodromyndan uçurylyşyň ýaýlymy bes edildi, onuň ýazgysy bolsa agentligiň YouTube-daky resmi kanalyndan aýryldy.Resmi taýdan raketany ýok etmegiň sebäpleri barada heniz habar berilmedi.Epsilon sekiz hemrany, şol sanda innowasion tehnologiýalar synagdan geçirilende ulanylmaly 110 kg agramly RAISE-3 enjamyny orbita çykarmalydy. 2013-nji ýyldan bäri JAXA bäş gezek Epsilon-yň üstünlikli uçurylyşyny amala aşyrdy, bu şeýle görnüşli ýapon göterijisiniň ilkinji şowsuzlygydyr.
Epsilon seriýasynyň gaty ýangyçda işleýän üç basgançakly raketasy JAXA tarapyndan IHI awiagurluşyk korporasiýasy bilen bilelikde işlenip düzüldi.