Şoňa laýyklykda ÝB-niň nobatdaky sanksiýa bukjasynyň düzümine ýene-de 87 rus raýat we 34 guramadyr-edara goşuldy.
Russiýa Federasiýasynyň Geňeşiň agzalary, 19 ministriň orunbasary, tapwutly federal edaralaryň başlyklary bilen birlikde hökümet agzalary we Dumanyň 4 deputaty sanksiýa sanawyna goşuldy.
Rus harby liderler we Ukrainada söweş alyp barýan Wagner toparynyň iki serkerdesi bilen birlikde raketa, uçarmansyz howa ulagy, uçar, harby ulag, harby gämi, gözegçilik ulgamlary we Russiýanyň Ýaragly güýçlerini bular bilen üpjün edýän kärhanalar sanksiýa sanawyna goşuldy.
Ukrainanyň bikanun ýagdaýda anneksiýa edilen sebitlerindäki prokurorlar, Russiýadaky uly telewideniýe kanallarynyň we mediýa organlarynyň ýokary derejeli ýolbaşçylary we alyp baryjylar, Russiýanyň Ukraina garşy ulanýan uçarmansyz howa ulaglarynyň taýarlanmagy we üpjünçiligine gatnaşýan Eýranyň 4 raýaty hem sanksiýa sanawyna goşuldy.
Russiýany maliýe taýdan goldaýan pudaklardaky ykdysady aktýorlar hem sanawa goşuldy.
Şeýlelik bilen ÝB-niň Ukrainanyň territorial bütewiligine, özbaşdaklygyna we garaşsyzlygyna wehim salýan aksiýalar amala aşyrmak bilen günäkärlenýänleriň sany 1473 adama, guramadyr-edaralaryň sany bolsa 205-e ýetdi.
Şol sanawdaky adamlaryň we guramadyr-edaralaryň emläkleri doňduryldy. Şahsyýetleriň ÝB-ne girmekleri gadagan edildi.
Şol sanksiýalaryň çäginde ÝB bilen Russiýanyň arasyndaky gönüden ýa-da 3-nji ýurtlaryň üsti bilen amala aşyrylmagy meýilleşdirilýän uçar saparlary barada öňünden maglumat bermek mejbur ýagdaýa getirildi.