Germaniýanyň çempiony “Bawariýa” topary senegally ýyldyzy Sadio Maneni Saud Arabystanyna ugratdy. 31 ýaşyndaky hüjümçi Mane portugaliýaly Ronaldonyň çykyş edýän “Al Nassr” toparyna transfer boldy.Transferiň amala aşandygy resmi ýagdaýda mälim edildi.
Mane täze kluby bilen 4 ýyllyk şertnama baglaşdy. “Al Nassr” topary Maneniň transferi üçin “Bawariýa” 30 million ýewro, oýunçynyň özüne-de ýyllyk 40 million ýewro berer.
2011-nji ýylda “Mets B” toparynda futbola başlan Mane soňlugy bilen “Mets”, “Red Bull Salsburg”, “Southempton” hem-de “Liwerpul” klublarynda çykyş etdi. Ol “Liwerpulda” oýnan 6 möwsüminde 269 oýunda 120 gol geçirdi. “Bawariýada” 38 duşuşykda 12 gezek tapawutlanan Maneniň nemes klubundaky soňky aýlary dawaly ýagdaýda geçdi.
Sadio Mane super ýyldyz oýunçy Ronaldo, şol sanda Seko Fofana, Aleks Telles, Marselo Brozowiç, Dawid Ospina, Taliska ýaly ýyldyzlaryň çykyş edýän “Al Nassr” toparynda 10-njy belgili köýnekçäni geýer.