Aziýanyň klublarynyň arasyndaky 2-nji derejeli bäsleşik hasaplanýan AFK Kubogynda täze möwsümiň saýlama tapgyrynyň bijeleri çekildi.Saýlama tapgyryna ýurdumyzyň wise-çempiony “Ahal” topary hem gatnaşar.Olar saýlama tapgyrda Gyrgyz Respublikasynyň “Alaý” topary bilen güýç synanyşar.
Duşuşyklaryň 1-njisi 20-nji fewralda ýurdumyzda oýnalsa, jogap oýny myhmançylykda geçiriler.Iki oýnuň netijesi boýunça-da umumy hasapda öňe saýlanan topar pleý-off tapgyryna ýollanma alar.Pleý-off tapgyrynda-da Täjigistanyň “Hujand” kluby bilen duşuşar.
Ikitaraplaýyn oýunlar 6-njy we 13-nji martda geçiriler.Bu tapgyryň ýeňijisine-de Merkezi Aziýa zolagynda, has takygy, “D” toparçada çykyş etmäge ygtyýar berler. Ýurdumyzyň wise-çempiony “Ahal” geçen möwsümde deslapky saýlama tapgyrynda “Dordoýdan”, pleý-off tapgyrynda-da “Hujand” toparyndan üstün çykypdy. “Ahal” topary toparçada “Alaý” bilen hem duşuşypdy we Aşgabatda 50, myhmançylykda-da 32 ýeňiş gazanypdy.Häzirki wagtda “D” toparçanyň 2 kluby anyk belli bolup, olar ýurdumyzyň çempiony “Altyn asyr” we Gyrgyz Respublikasynyň “Dordoý” toparlarydyr. Şol birwagtyň özünde-de Täjigistanyň “Istiklol” ýa-da “Regar Tadaz” toparlarynyň biri-de bu toparçada çykyş eder.
Bu toparçadaky duşuşyklar 2-nji aprelde başlanyp, 26-njy iýunda tamamlanar. Ýeri gelende aýtsak, “Altyn asyr” topary bu ýaryşda geçen möwsümde finala çykyp, kümüş medala mynasyp bolupdy.