Türkmenistanyň wise-çempiony “Ahal” topary AFK Kubogy ýaryşynyň 1-nji saýlama tapgyryny üstünlikli tamamlady. Geçen hepdede Gyrgyz Respublikasyndan 21 hasabynda ýeňiş bilen dolanan “Ahal” paýtagtymyzda hem “Alaýdan” üstün çykmagy başardy. “Aşgabat” köp ugurly stadionda oýnalan duşuşyga 10500 janköýer tomaşa etdi. Duşuşykda Saud Arabystanyndan Mohammed Al-Hoiş jürlewük çaldy.
Çekeleşikli geçen oýunda bir gol hasaba alyndy. Ol goly-da “Ahalyň” ezber oýunçylaryndan Merdan Gurbanow 35-nji minutda öz adyna ýazdyrdy. Duşuşygyň galan minutlarynda taraplaryň amala aşyran hüjümlerinden netije çykmady. Şeýlelikde, “Ahal” topary “Alaýy” 10 hasabynda utup, ýaryşyň pleý-off tapgyrynda çykyş etmäge hukuk gazandy.
“Ahalyň” indiki garşydaşy “Hujand” topary“Ahal” pleý-off tapgyrynda Täjigistanyň “Hujand” topary bilen toparçalara düşmek ugrunda güýç synanyşar. 1-nji duşuşyk 6-njy martda paýtagtymyzda oýnalsa, jogap oýny 13-nji martda myhmançylykda, Täjigistanyň Hujand şäherindäki “Garaşsyzlygyň 20 ýyllygy” stadionynda geçiriler. Ýurdumyzda oýnaljak 1-nji oýunda gonkongly emin Ho Wai Sing jürlewük çalar.
Jogap duşuşygyna bolsa, tailandly Siwakom Puudom eminlik eder.Iki topar geçen ýyl hem pleý-off tapgyrynda duşuşypdy. Şonda “Ahal” ýurdumyzdaky oýunda 10, myhmançylykda-da 20 hasabynda ýeňiş gazanypdy. “Ahal” topary bu tapgyrda 2 oýnuň netijesi boýunça ýeňiş gazansa, onda olar bassyr 2-nji ýola AFK Kubogynda toparçalarda çykyş ederler.
Toparçanyň beýleki 3 kluby belli bolup, olar ýaryşyň wise-çempiony “Altyn asyr”, şeýle hem “Istiklol” (Täjigistan) bilen “Dordoý” (Gyrgyz Respublikasy) toparlarydyr.