Ispaniýanyň çempionatynda sanawyň lideri “Barselona” myhmançylykda “Real Sosiedaddan” 2-1 hasabynda asgyn geldi. Çempionatda 11 oýundan soň utulan katalonlaryň derwezesinde ýeňiş gollaryny Oýarzabal (32) bilen Gedeş (71) geçirdi. “Barselonadan” Reşfordyň goly ýeňşe ýetmedi.
“Lewanteni” Mbappe (58 p) hem-de Asensionyň (65) gollary esasynda ýeňen “Real Madrid” lider “Barselona” bilen aratapawudy 1 utuga düşürdi.
“Atletiko” öz meýdançasynda “Alawesden” Sörlotyň 48-nji minutdaky ýeke-täk goly bilen 1-0 hasabynda üstün çykdy.
Kem-kemden özüni dürseýän “Žirona” topary myhmançylykda ukrainaly hüjümçisi Wanatyň her ýarymyň goşmaça minutlarynda 11 metrlik jerime urgularyndan geçiren gollary bilen “Espanýoly” 2-0 hasabynda utdy.
“Betis” 4-nji ýerde barýan “Wilýarrealy” Ruibal (57) hem-de Fornalsyň (83) gollary esasynda 2-0 hasabynda ýeňdi.
“Malýorka” bilen “Atletik” toparlarynyň arasyndaky oýunda ýer eýeleri 3-2 hasabynda ýeňiş gazanyp, olaryň gollarynyň 3-sini hem Wedad Muriki öz adyna ýazdyrdy.
“La Ligada” 20-nji tapgyryň netijeleri:
Espanýol Žirona: 0-2 (Wanat 45+3 p, 90+3 p),
Real Madrid Lewante: 2-0 (Mbappe 58 p, Asensio 65),
Malýorka Atletik: 3-2 (Muriki 5, 42, 69 p Unaý Gomes 8, Niko Williams 45),
Osasuna Owiedo: 3-2 (Budimir 45, 75, Munios 90+2 Winiýas 40, Reýna 68),
Betis Wilýarreal: 2-0 (Ruibal 57, Fornals 83),
Hetafe Walensiýa: 0-1 (Gaýýa 84),
Atletiko Alawes: 1-0 (Sörlot 48),
Selta Raýo Wallekano: 3-0 (Karreýra 40, Saragosa 54 p, Rueda 79),
Real Sosiedad Barselona: 2-1 (Oýarzabal 32, Gedeş 71 Reşford 70),
Elçe Sewilýa (şu gije)