Eýranyň Daşary işler ministrliginden berilen beýanatda, ýurdyň paýtagty Tähran şäherine sapar guran BMG-nyň Siriýa boýunça ýörite wekili Geýr Otto Pedersen bilen Eýranyň Daşary işler ministri Hüseýin Emir Abdullahiýan Siriýadaky wakalary ara alyp maslahatlaşandyklary habar berildi.
Beýanata görä duşuşykda ABŞ-nyň Siriýadaky barlygynyň we Ysraýylyň guraýan howa hüjümleriniň syýasy çözgüt tapgyryna zyýan ýetirýändigini aýdan Eýranyň Daşary işler ministri Hüseýin Emir Abdullahiýan, halkara jemgyýetiň bu meselä ähmiýet bermeginiň gerekdigini beýan etdi.