Çempionlar ligasynyň bijesi çekildi: PSŽ — Man Siti, Bawariýa — Barselona

Çempionlar ligasynyň bijesi çekildi: PSŽ — Man Siti, Bawariýa — Barselona

26-njy awgustda Stambulda Çempionlar ligasynyň 2021/22 möwsüminiňň toparlaýyn tapgyrynyň bijeleri çekildi.

Toparlaryň düzümi şulardan ybarat:

A topar: Mançester Siti, PSŽ, RB Leýpsig, Brýugge

B topar: Atletiko Madrid, Liwerpul, Portu, Milan

C topar: Sporting Lissabon, Borussiýa Dortmund, Aýaks, Beşiktaş

D topar: Inter Milan, Real, Şahtýor, Şerif

E topar: Bawariýa, Barselona, Benfika,Dinamo Kiýew

F topar: Willareal, Mançester Ýunaýted, Atalanta, Ýang Boýz

G topar: Lill, Sewilýa, Zalsburg, Wolfsburg

H topar: Çelsi, Ýuwentus, Zenit, Malme

Bije çekişligiň barşynda UEFA-nyň prezidenti Aleksandr Çeferin Ýewro-2020-de Daniýa - Finlýandiýa duşuşygynyň dowamynda Kristian Eriksonyň janyny halas eden lukmanlara ýörite baýraklary gowşurdy. Şol gün şeýle hem geçen möwsümde UEFA-nyň Çempionlar ligasynyň öz pozisiýalary boýunça iň gowy oýunçylaryna baýraklar gowşuryldy.

ÇL-niň toparlaýyn tapgyryna gönüden-göni 26 klub çykmagy başardy. 6 klub kwalifikasiýa tapgyrlardan geçip çykdy. Klublar UEFA-nyň reýtingine görä, 4 sebede paýlandy.

Şol bir ýurduň klublary dürli toparlara düşürildi. Şeýle hem Ukrainanyň we Russiýanyň wekilleri bir topara düşürilmedi.

Çempionlar ligasy 2021/22-iň toparlaýyn tapgyrynyň duşuşyklary 14-nji we 15-nji sentýabrda başlanýar. Tamamlaýjy 6-njy tapgyr 7/8-nji dekabrda geçiriler. Çempionlar ligasynyň finaly 2022-nji ýylda 28-nji maýda Sankt-Peterburgda geçiriler.

Ýene degişli makalalar

UEFA Çempionlar Ligasynda 2-nji hepdäniň duşuşyklary geçirildi
16 duşuşyk 48 gol
“Mançester Siti” bilen PSŽ “A”, “Bawariýa” bilenem “Barselona” “E” toparçada
“Bawariýa”, “Barselona”, “Inter” bir toparçada UEFA Çempionlar Ligasynyň bijeleri çekildi
UEFA Çempionlar ligasynyň 4-nji hepde duşuşyklary tamam boldy
UEFA Çempionlar Ligasynyň 3-nji hepdesinde geçirilen duşuşyklar