Braziliýanyň milli ýygyndysy DÇ-2022-niň üçünji tapgyrynda Kamerundan 1:0 hasabynda asgyn geldi. Duşuşykda urlan ýeke-täk gol 90+2-nji minutda Wensan Abubakaryň adyna ýazyldy.
Şeýlelikde, Kamerunyň milli ýygyndysy 2002-nji ýyldan bäri ilkinji gezek dünýä çempionatynda ýeňşini baýram etdi. Mundan ozal, Kamerun mundiallarda bassyr 9 oýunlap ýeňiş gazanyp bilmän gelýärdi.
Ýöne Braziliýanyň üstünden gazanylan ýeňiş hem Kameruna pleý-off tapgyryna çykmak üçin ýeterlik bolmady. Sebäbi parallel wagtda geçen beýleki oýunda Şweýsariýanyň 3:2 hasabynda ýeňlişe sezewar etmegi, Kamerunyň 4 utuk bilen toparçany üçünji orunda jemlemegine getirdi.
G toparçasynda Braziliýa 6 utuk bilen birinji orny özünde saklady. Pentakampionlar 1/8 finalda 5-nji dekabr güni Koreýa Respublikasy bilen oýnarlar.