Biraz ozal DÇ-2022-niň G toparçasyndan orun alan ilkinji oýun — Şweýsariýa — Kamerun gapma-garşylygy tamamlandy. Duşuşyk Şweýsariýanyň 1:0 hasabyndaky ýeňşi bilen gutardy. Şweýsariýa ýeňiş getiren topy 48-nji minutda asly kamerunly bolan Brel Embolo derwezä ýollady.
G toparçasynda birinji tapgyryň ikinji duşuşygy şu gün 23:55-de Braziliýa bilen Serbiýanyň arasynda geçiriler.
Indiki tapgyrda Kamerun Serbiýa bilen, Şweýsariýa bolsa Braziliýa bilen güýç synanyşar. Duşuşyklaryň ikisi hem 28-nji noýabr senesinde geçiriler.
Ýeri gelende ýatlatsak, Türkmenistanyň çäginde DÇ-2022-niň ähli oýunlarynda Match tv teleýaýlymynyň üsti bilen göni ýaýlymda tomaşa etmek mümkin.