Fransiýada düzümi täzelenen hökümet resmi taýdan öz işine başlady. Ministrler Kabinetiniň ilkinji maslahatynda Prezident Emmanuel Makron ýurtda dörän çökgünlik ýagdaýynyň üstünlikli ýeňip geçiljekdigine ynam bildirdi.
Enmmanuel Makron ýurduň Premýer-ministri Elizabet Borna doly ynam bildirýändigini ýene bir gezek belläp geçdi. Esasy ministrleriň hemmesi diýen ýaly (maliýe, içeri işler, daşary işler, goranmak, adalat we zähmet) ozalky wezipelerinde galdylar, ýöne täze şahslar içerki syýasatyň pudaklaryna gözegçilik ederler.
Hususan-da, Žane Kasteksiň döwründe hökümetiň resmi wekili bolup işlän 34 ýaşly Gabriel Attal bilim ministri wezipesine bellendi. Saglygy goraýyş ministrligine pandemiýa döwründe Il-de-Frans şäheriniň lukmançylyk edaralaryna gözegçilik eden Orelýan Russo ýolbaşçylyk eder. Jemi sekiz täze ministr we döwlet sekretary hökümetiň düzümine girdi.