BMG-niň baş Sekretary Antoniu Guterriş Russiýany, Ukrainany basyp alyp, halkara derejesinde kabul edilen serhetleri gaýtadan kesgitlemäge çalyşýandygy üçin günäkärledi.
Guterriş BMG-niň Howpsuzlyk geňeşinde eden çykyşynda Ukrainadaky söweşiň halkara jemygýetçiliginiň öňündäki iň esasy meselelerden biridigini aýtdy.
Russiýanyň 24-nji fewralda Ukraina yglan eden söweşiniň “doly görnüşli basyp alyjylykdygyny” beýan eden Guterriş, Russiýany basyp alyjylyk bilen halkara derejesinde ykrar edilen serhetleri gaýtadan kegitlemäge synanşdygy üçin günäkärledi.
Guterriş Russiýanyň BMG-niň Şertnamasynyň kadalaryny bozandygyny we söweş sebäpli 2-nji Jahan urşundan bäri iň gysga möhletli ýurdundan mahrum edilmäniň başdan geçirilýändigine ünsi çekdi.
“Buçada öldürilen asuda ilatyň gorkunç wideo ýazgylaryny hiç haçan ýatdan çykarmaryn” diýen Antoniu Guterriş, garaşsyz derňew işiniň gozgalmagy üçin çagyryş etdi.
Söweşiň global ykdkysadyýete ýetirýän ýaramaz täsirine ünsi çeken Guterriş, ösüp barýan 74 ýurtda 1,2 milliard adamyň gymmatlaýan azyk we energiýa nyrhlary sebäpli uly kynçylyk çekjekdigini duýdurdy.
Halkara parahatçylygyň we howpsuzlygyň üpjün edilmeginden jogapkär BMG-niň Howpsuzlyk geňeşiniň dine bir Ukrainada däl, eýsem dünýäniň başga ýerlerindäki çökgünlikleriň öňüni alyp bilmeýändigine gynanç bildiren BMG-nin baş Sekretary, geňeşi söweşi bes etmäge çagyrdy.