Toparçalaryň bijesi çekildi
Ilkinji gezek tomusda geçiriljek Afrika Milletler Kubogy 2019-yň toparçalarynyň bijeleri çekildi.Bijä laýyklykda, 21-nji iýun 19-njy iýul aralygynda Müsürde geçiriljek çempionatda “A” toparçada ýer eýelerinden başga Kongo DR, Uganda we Zimbabwe döwletleriniň ýygyndylary özara duşuşar.
Nigeriýanyň, Gwineýanyň, Madagaskaryň, Burundiniň ýygyndylary “B”, Senegalyň, Alžiriň, Keniýanyň, Tanzaniýanyň milli toparlary-da “C” toparçany düzdüler. “D” toparçada güýçli ýygyndylar Marokkodyr Kot-d’Iwuar, Günorta Afrika hem-de Namibiýa özara güýç synanyşar. “E” toparça Tunisiň, Maliniň, Mawritaniýanyň hem-de Angolanyň ýygyndylarynyň bijesi çykdy. Çempionlygyň dalaşgärlerinden Kamerun, Gana, Benin we Gwineýa-Bissau bolsa “F” toparçada çykyş ederler.
Toparçada 12-nji ýeri eýelänler hem-de 3-nji orna mynasyp bolanlaryň iň gowy 4-si ýaryşy dowam etdirer.Duşuşyklar “Kair” halkara, “30-njy iýun”, “Al Salam” (üçüsem Kair), “Aleksandriýa” (Aleksandriýa), “Sues” (Sues) hem-de “Ismailiýa” (Ismailiýa) stadionlarynda oýnalar.
Çempion ýaryşdan çykdy
Amerikanyň milli hokkeý ligasy NHL-de konferensiýalaryň ýarym finalçylary belli boldy.Gündogar konferensiýada “Kolumbus Blu Jekets” topary “Tampa Baýy”, “Nýu Ýork Aýlenders” topary “Pittsburg Penguinsi” 4 oýunda-da utmagy başardy (4:0). Ýeňijisi 7 oýunda kesgitlenen duşuşyklarda “Boston Bruins” topary “Toronto Mapl Lifsi”, “Karolina Harrikeýns” bolsa, soňky çempion “Waşington Kapitolsy” 4:3 hasabynda ýeňlişe sezewar etdi.
Günbatar konferensiýada “Dallas Stars” topary “Neşwill Predatorsy”, “Sent Luis Bluz” topary “Winnipeg Jetsi” 6 oýundan soň, 4:2 hasaby bilen ýeňdi. “San Hose Şarks” topary “Wegas Golden Naýtsy” 7 oýundan soň 4:3 hasaby bilen utup, ýarym finalçy boldy. “Kolorada Awalanş” adaty möwsümde şowly çykyş eden “Kalgari Fleýmsden” 5 oýundan soň, 4:1 hasabynda üstün çykdy.
Gündogar konferensiýanyň ýarym finalynda “Kolumbus” bilen “Boston”, “Karolina” bilenem “NÝ Aýlanders”, Günbatar konferensiýada bolsa, “Dallas” bilen “Sent Luis” hem-de “Kolorado” bilenem “San Hose” toparlary duşuşarlar.
“Milwaki” bilen “Boston” ýeňlişsiz ýarym finalda
Amerikanyň milli basketbol ligasy NBA-da Gündogar konferensiýada “Milwaki Baks” bilen “Boston Seltiks” degişlilikde, “Detroit Pistonsy” hem-de “Indiana Peýsersi” 4 duşuşykda-da ýeňmegi başardy.Adaty möwsümde şowly oýun görkezen “Milwaki” bilen “Boston” ýarym finalda duşuşarlar. “Filadelfiýa 76ers”“Bruklin Nets” hem-de “Toronto Reptors”“Orlando Mejik” toparlarynyň öz aralaryndaky oýunlarda ýeňiji 5 duşuşykda belli boldy.
Netijede, umumy hasapda 41 öňe saýlanan “Filadelfiýa” bilen “Toronto” ýarym finalda özara güýç synanyşarlar.Günbatar konferensiýada-da häzirlikçe 2 ýarym finalçy belli boldy. 5 duşuşygyň 4-sinde ýeňiş gazanan “Hýuston Rokets” bilen “Portland Treýl Bleýzers” ýarym finala çykdy. “Hýuston” çärýek finalda “Ýuta Jazzy”, “Portland” bolsa, “Oklahoma Siti Tanderi” ýeňdi. “Golden Steýt Warriors” bilen “Los Anjeles Klippersiň” arasyndaky oýunlarda-da soňky çempion 32 öňde barýar.
4 altyn medal gazandy
Ýeňil atletika boýunça Kataryň paýtagty Dohada geçirilen 23-nji Aziýa çempionatynda bahreýnli türgenler öňe saýlandy.Olar altyn medallaryň 11-sini gazanyp, 1-nji orna mynasyp boldular (7 kümüş, 4 bürünç). 2-nji orny hytaýly (9137), 3-nji ýeri-de ýaponiýaly (549) ýeňil atletikaçylar eýeledi. 100 metr ylgawda erkeklerden ýaponiýaly Ýoşihide Kirýu, zenanlardan gazagystanly Olga Safranowa ýeňiş gazandy. Ýekedaban zyňmakda Olimpiýa çempiony, täjigistanly Dilşod Nazarow 4-nji gezek yklymyň çempiony boldy.
Zenanlaryň arasynda 200 we 400 metr ylgawlarda bahreýnli Salwa Eid Naser altyn medal eýeledi.Ol toparlaýyn 4×400 hem-de 4×400 metr garyşyk estafeta ylgawlarynda-da ýeňiş gazandy. 21 ýaşly türgen 4×100 metr estafeta ýaryşynda bürünç medala mynasyp boldy.
Bäsleşigiň dowamynda 12 sany çempionatyň rekordy täzelendi.
Ilkinji “Masters” kubogy
Tennis boýunça Fransiýada geçirilen Monte-Karlo “Masters” ýaryşynda italiýaly Fabio Fonini ýeňiş gazandy. 31 ýaşly tennisçi finalda serbiýaly Duşana Laýowiçi 6:3 we 6:4 hasaplar bilen ýeňlişe sezewar etdi.
Bu onuň ilkinji “Masters” kubogy bolup, ol soňky 2 ýylyň dowamynda “Masters” ýaryşlarynda birinji gezek çempionlyk gazanan 8-nji tennisçi boldy.Jübütleýin görnüşde horwatiýaly tennisçiler Nikola Mektiç bilen Franko Şkugor gollandiýaly Robin Haase bilen Wesli Kolhoofdan üstün çykdy (6:7, 7:6, 11:9).
Kubok ýaryşlarynyň finalçylary
Germaniýanyň Kubogy ýaryşynyň finalynda “Leipsig” bilen “Bawariýa” duşuşar.Olaryň birinjisi ýarym finalda “Hamburgy” 31 ýeňdi (Poulsen 12, Ýanžiçiç 53 ö.d., Forsberg 72 — Jatta 24). “Bawariýa” myhmançylykda “Werderden” 32 üstün çykdy.
Ilki “Bawariýa” Lewandowski (38) we Mülleriň (60) gollary bilen 20 öňe saýlandy.Soňra 2 minutda 2 gol salan ýer eýeleri Osaka (74) we Raşikanyň (75) gollary bilen hasaby deňledi. 80-nji minutda-da penaltini dürs uran Lewandowski toparyny finala çykardy.
Final duşuşygy 25-nji maýda Berlinde geçiriler.Italiýanyň Kubogy (Coppa Italia) ýaryşynda finalçylar belli boldy. Ýarym finalyň jogap oýnunda myhmançylykda “Milany” Hoakin Korreanyň 58-nji minutdaky goly bilen ýeňen “Lasio” finala çykdy (1-nji oýun 00).
Beýleki oýunda-da “Atalanta” öz meýdançasynda “Fiorentinany” kabul edip, garşydaşyny 21 ýeňdi (Iliçiç 14 p, Gomez 69 — Muriel 3). 1-nji oýun 33 deňlikde tamamlanypdy.Final oýny 15-nji maýda Rimdäki Olimpiýa stadionynda oýnalar.Türkiýäniň Kubogy ýaryşynda geçen ýylyň ýeňijisi “Akhisarspor” bilen “Galatasaraý” finalda duşuşarlar. “Akhisarspor” ýarym finalda aşaky ligalaryň wekili “Ümraniýespory” 10 ýeňdi. “Galatasaraý” bolsa myhmançylykda “Ýeni Malatýaspordan” 52 üstün çykdy.
Final duşuşygy 16-njy maýda Siwasda geçiriler.
34 ýyl garaşdyran ýeňiş
Gresiýanyň çempionatynda öz meýdançasynda “Lewadiakosy” 50 hasabynda ýeňen PAOK topary möwsümiň tamamlanmagyna 1 tapgyr galanda çempionlygyny yglan etdi.Iň soňky sapar 1985-nji ýylda çempion bolan PAOK taryhynda 3-nji gezek bu hormata mynasyp boldy (1976, 1985, 2019).
Razwan Luçeskunyň tälimçiligindäki PAOK soňky tapgyrda “Gianninany” ýeňse, onda olar möwsümi ýeňlişsiz tamamlarlar. Şeýle-de Şweýsariýada “Ýang Boýz” bassyr 2-nji, umumylykda-da 6-njy gezek çempion boldy.