Russiýaly söweşiji Habib Nurmagomedow karýerasyny resmi taýdan tamamlady. Netijede UFC-niň ýeňil agramda çempion guşagy boşady. Indi braziliýaly Çarlz Oliweýra bilen amerikaly Maýkl Çendler Absolýut göreş çempionatynyň (UFC) ýeňil agramda çempionynyň erkin tituly üçin söweşerler diýip, sports.ru habar berýär.
Titul söweşi UFC 262 turniriniň esasy wakasynyň çäginde 15-nji maýda Las-Wegasda geçiriler. Belläp geçsek, bu Çendler üçin karýerasynda promouşendäki ikinji söweş bolar. MMA-daky karýerasynyň dowamynda Oliweýra 30 ýeňiş gazandy we sekiz gezek ýeňlişe sezewar boldy. Çendleriň hasabynda 22 ýeňiş we bäş ýeňliş bar.