Hytaý Halk Respublikasy bilen Beýik Britaniýanyň arasynda ýola goýlan ýük otlusy yzyna dolanyp geldi.Bu barada “Sinhua” habarlar gullugy habar berdi.Şu ýylyň 10-njy aprelinde Beýik Britaniýanyň London şäherinden ugran otly 29-njy aprelde Hytaýyň Çžeszýan welaýatynyň Iu şäherine bardy.
Otly 32 wagondan ybarat bolup, onda dürli içgiler hem-de geljekki eneler üçin harytlar bar. Ýük otlusy 12 müň kilometrden gowrak menzil aşyp, 7 döwletiň üstünden geçdi.Mundan ozal, 34 wagondan ybarat otly Hytaýdan bat alyp, Londona barypdy we Ýewropanyň iri ýurdunyň paýtagtyna takmynan 5 million dollar möçberinde haryt äkidipdi.