Gyş aýlarynda howanyň sowamagy sebäpli sowuklama we gripp ýaly ýokarky demalyş ýoly hassalyklary artmaga başlaýar. Gyş aýlarynda immunitet ulgamyny güýçlendirýäň azyklary saçagymyzdan egsiltmäliň.
1. Pyrtykal
Pyrtykal düzümindäki S we A witaminleriniň saýasynda gyş aýlarynda immunitet ulgamyny güýçlendirýän esasy azyklardan biridir. Emma pyrtykalyň suwunyň ýerine, onuň özüni iýmek has peýdalydyr. Ol hem süým hem-de süýji taýdan saglyga has peýdalydyr.
2. Ysmanak
Ysmanak, düzümindäki witaminler arkaly hem öýjüklerimizi goraýar we immunitet ulgamymyzyň ejislemeginiň öňüni alýar. Esasanda S witamini, A witaminimiň ulanylyşyny artdyrýar. Güýçli immunitet ulgamy üçin hepdede 2 gezek ysmanak iýmek maslahat berilýär. Emma A witamininiň netijeliligi üçin ysmanagy gaýnadyp däl, içine ýag goşulan nahar görnüşinde iýiň.
3. Balyk
Balyk hem belok hem-de selen we sink elementlerine baýdyr. Hassalyga sebäp bolýan elementleriň bedenden işlenip çykarylmagy üçin peýdaly blan omega 3; esasan gyzylbalyk, skumbriýa bilen tunes balygynda ýokarydyr. Hepdede 2-3 geze3k balyk iýmegi ýatdan çykarmaň.
4. Petruşka
Petruşkanyň düzüminde bedeni ýokançlardan goraýan S witamini bardyr. Petruşka bedendäki çişiň aýrylmagy üçin peýdalydyr.
5. Ýumurtga
Ýumurganyň agy bolsa belok taýdan iňňän baý azyklardan biri. Sarysy bolsa hem demir hem-de antioksidentlerden biri bolan A witaminini özünde jemleýär.
6. Badam we hoz
Badam bilen hoz antioksident özbolyşlygyna eýe bolan E witaminini özünde jemleýär. Şol özbolyşlyklary bilen immunitetiň goralmagyna uly goşant goşýar. İmmunitet ulgamymyzyň güýçlenmegi üçin her gün 2 hoz ýa-da 10 sany çig badam iýmek maslahat berilýär.
7. Gatyk
Her gün bir käse gatyk iýmeli. Içýän süýdüňiziň mukdaryna görä gatygy ýene-de bir käse artdyryp bilersiňiz.
Immunitet ulgamyny güýçlendirmek üçin:
· Kadaly uklamaga üns berilmeli
· Kadaly maşk etmeli
· Bol mukdarda suwklyk sarp edilmeli
· Aşa stressden çetde durmaly ýa-da stressden halas bolmak üçin hünärmenden goldaw alynmaly
· Aşa ýaglanma üns berilmeli
· Alkogol, çilim ýaly zyýanly endiklerden çetde durmaly
· El we agyz gigiýenasyna üns berilmeli
· Kadaly we ýeterlik iýmitlenme düzgünleri berjaý edilmeli. Azyklardan ýeterlik mukdarlarda we deňagramly sarp edilmeli
· Immunitet ulgamyny güýçlendiriji çaýlar
· Gök çaý
· Zenjebil çaýy
· Ada çaýy
· Immunitet ulgamyny goldaýjylar
S witamini: Gündelik durmuş şertlerinde, her gün S witamini ýeterlik mukdarda alynmaýar. Düzüminde S witamini bolan goldaýjylar şol zerurlygy gidirer.
D witamini: Bedende D witamininiň ýetmezligi ýokançlara ýygydan sezewar bolunmagy taýdan howpludyr. Esasanda gyş aýlarynda we günüň şöhlesinden ýeterlik mukdarda peýdalanmaýan adamlarda ýüze çykýan witaminiň ýetmezligi goldaýjy witaminler arkaly gidiriler.
B6 witamini: B6 witamini, immun reaksiýalarynda täsiri ýokary bolan maddalardan biridir. Ylmy barlaglar B6 witamininiň azlygy sebäpli immunitet ulgamynyň ejizleýändigini görkezýär.
Haýsy azyklardan daşda durulmaly?
Aşakdaky azyklardan mümkin gadar çetde durmak ýa-da az mukdarda sarp etmek immunitet ulgamynyň güýçlenmegi taýdan möhümdir.
· Rafinirlenen şekerli azyklar
· Trans ýaglar
· Işlenip, gaplanan azyklar (şokoladlar, çipsler we beýlekiler)
· Işlenen etler (kolbasa, sosiska we beýlekiler)
· Glýutenli azyklar (bugdaý uny, lawaş, çörek)