“Mançester Sitiniň” hüjümçisi Erling Holand het-trikleri amala aşyrmagyň tizligi boýunça “Mançester Ýunaýtediň” oýunçysy Kriştianu Ronaldunyň üstünliginden öňe geçdi. Bu barada BR Football habar berýär diýip, gazeta.ru belleýär.
Norwegiýaly futbolçy Angliýanyň Premýer-ligasynyň (APL) sekiz oýnunda üç het-trik etdi. Şeýle het-trikleri ýerine ýetirmek üçin portugaliýaly hüjümçä bolsa APL-de 232 oýun gerek boldy. Ýatlap geçsek, “Mançester Siti” “Mançester Ýunaýtedi” 6:3 hasabynda utdy. “Man Sitiniň” düzüminde Erling Holand bilen Fil Foden het-trik amala aşyrdy. “Mançester Ýunaýtediň” düzüminde bolsa Antoni Marsýal iki gol geçirdi, ýene bir goly öz hasabyna Antoni ýazdy. “Siti” 20 utuk gazanyp, sekiz tapgyrdan soň APL-iň turnir jedwelinde ikinji orny eýeleýär.
Indiki tapgyrda ol öýünde “Sautgempton” bilen oýnar.