Demirgazyk, Merkezi Amerika we Karibler zolagynyň kubogy bolan KONKAKAF “Altyn kubok” ýaryşynda finalynda garaşylyşy ýaly Meksika bilen ABŞ-nyň ýygyndylary duşuşarlar.Olaryň birinjisi ýarym finalda Gaitiniň ýygyndysy Raul Himenesiň goşmaça wagtda (93-nji minutda) penaltiden geçiren goly bilen 10 ýeňdi.
Soňky çempion ABŞ ýarym finalda Ýamaýkany MakKenni we Pulişiçiň gollary bilen 31 hasabynda ýeňlişe sezewar etdi. Şeýlelikde, Meksika 13-nji, ABŞ 12-nji gezek finala çykmagy başardy.Meksikanyň 10, ABŞ-nyň 6 çempionlygy bolup olaryň ikisi soňky gezek 2007-nji, 2009-njy we 2011-nji ýyllardaky finallarda duşuşypdy. Şolaryň birinjisinde ABŞ 21, soňkularda Meksika 50 we 42 hasaplar bilen ýeňiş gazanypdy.
Final duşuşygy 8-nji iýulda Aşgabat wagty bilen 06:00-da başlap, ol ABŞ-nyň Çikago şäherindäki “Soldier Field” stadionynda oýnalar.