ABŞ-nyň çempionaty MLS-de çykyş edýän Lionel Messi karýerasyndaky 46-njy kubogyny gazanyp, öz rekordyny ösdürdi. Çempionatyň 32-nji tapgyrynyň “Inter Maýaminiň” çäginde myhmançylykda “Kalambus Krýuw” toparyndan 3-2 hasabynda üstün çykdy.
Argentinaly super ýyldyz duşuşykda 5 minutda, 45-nji we 45+45-nji minutlarda tapawutlanmagy başardy. “Inter Maýaminiň” 3-nji goluny 48-nji minutda Luis Suares geçirdi. Ýer eýelerindenem Diego Rossi (46) bilen Kuço Hernandes (61 p) tapawutlandy.
Bu ýeňişden soň umumy sanawda möwsümi 1-nji hatarda tamamlamaga hukuk gazanan “Inter Maýami” toparyna “Supporters’ Shield” kubogy berildi. Bu kubok MLS-de adaty möwsümi 1-nji orunda tamamlamaga hukuk gazanan klublara berilýär.
“Inter Maýami” galan 2 tapgyrda-da ýeňiş gazanan ýagdaýynda utugyny 74-e ýetirer we bu ugurda “Nýu Ingland Reweluşin” toparynyň 73 utuklyk rekordyny täzelär.
“Supperters’ Shield” kubogy Lionel Messiniň karýerasyndaky 46-njy kubok hökmünde hasaba alyndy. Ol bu ugurda özüniň rekordyny ösdürip, Messi “Inter Maýami” bilen 2-nji kubogyny asmana göterdi.
Messi “Barselonada” 35, PSŽ-de 3, Argentinanyň milli ýygyndysynda 4, Argentinanyň ýaşlar düzminde-de 2, “Inter Maýamide”-de 2 kubok gazandy.
Messi şu möwsümde “Inter Maýamide” 16 oýunda 15 gol geçirip, 10 gola asistlik etdi.