Ispaniýanyň çempionatynda “Barselona” öz meýdançasynda Luiz Suaresiň 2, Messiniň 1 goly bilen “Eibary” 3-0 hasabynda utdy.Duşuşykda 1 gezek tapawutlanan Lionel Messi “La Ligadaky”400-nji goluny geçirdi. Şunlukda, ol Ýewropanyň TOP 5 ligasynda 1 çempionatda (Ronaldo 3 çempionatda 400-den köp gol geçiripdi) 400 gola ýeten ilkinji futbolçy boldy.
Madridiň “Realy” bolsa, myhmançylykda “Betisi” Kabellosyň soňky minutlardaky goly bilen 21 hasabynda ýeňdi. “Atletiko” öz meýdançasynda “Lewanteni” Grizmannyň penalti goly bilen 10 hasabynda utdy.
Angliýanyň “Premier ligasynda” sanawyň lideri “Liwerpul” myhmançylykda “Braýtony” iň kiçi hasap bilen ýeňmegi başardy. Ýeke-täk goly 50-nji minutda penaltiden Mohamed Salah derwezä girizdi. “Çelsi” kynlyk bilen hem bolsa “Nýukasldan” 21 üstün çykdy.
Tapgyryň merkezi duşuşygynda “Mançester Ýunaýted” täze tälimçisiniň ýolbaşçylygynda çempionatdaky bassyr 5-nji ýeňşini gazandy.Mankunianlar myhmançylykda öňdebaryjylardan “Tottenhamy” Markus Reşfordyň goly bilen 10 utdy.