UEFA Çempionlar ligasynyň 2019-2020 möwsüminiň awgust aýynda oýnalan duşuşyklary:
1/8 finalyň jogap oýunlary:
Mançester Siti—Real Madrid: 21 (21) /Sterling 9, Gabriel Žesus 68 — Benzema 28/
Barselona—Napoli: 31 (11) /Lengle 10, Messi 23, Suares 45+1 p — Insinýe 45+5 p/
Ýuwentus—Lion: 21 (01) /Kristiano Ronaldo 43 p, 60 — Depaý 12 p/
Bawariýa—Çelsi: 41 (30) /Lewandowski 10 p, 84, Perişiç 24, Tolisso 76 — Abraham 44/
Çärýek finalyň oýunlary:
Atalanta—Pari SenŽermen: 12 (Paşaliç 27 — Markinios 90, Çupo-Moting 90+3)
Leipsig—Atletiko Madrid: 21 (Olmo 51, Adams 88 — Feliks 71 p)
Barselona—Bawariýa: 28
(Alaba 7 ö.d., Suares 57 — Müller 4, 31, Perişiç 22, Gnabri 27, Kimmih 63, Lewandowski 82, Koutinio 85, 89)
Mançester Siti—Lion: 13 (De Bruýne 69 — Korne 24, Dembele 79, 87)
Ýarym finalyň oýunlary:
Leipsig—Pari SenŽermen: 03 (Markinios 13, Di Mariýa 42, Bernat 56)
Lion—Bawariýa: 03 (Gnabri 18, 33, Lewandowski 88)
UEFAÇempionlar ligasynyň finalynda çykyş etjek 2 topar hem belli boldy. Ýekşenbe güni oýnaljak finalda Pari Sen-Žermen bilen Bawariýa duşuşar.Iki topar hem ýarym finaldaky garşydaşlaryny 30 hasap bilen ýeňlişe sezewar etdi. Ýagny, Fransiýanyň çempiony PSŽ nemes kluby Leipsigi, Germaniýanyň çempiony Bawariýa bolsa, fransuz kluby Liony birmeňzeş hasap bilen ýaryşdan çykardy.
Her topar hem gollarynyň ikisini 1-nji ýarymda geçirdi.PSŽ toparynyň gollaryny 13-nji minutda Markinios, 42-nji minutda Anhel Di Mariýa, 56-njy minutda-da Huan Bernat derwezä girizdi.
Bawariýanyň gollaryny bolsa, 18-nji we 33-nji minutlarda Serž Gnabri hem-de 88-nji minutda Robert Lewandowski tora saldy.Duşuşyklarda ýeňlişe sezewar bolan toparlaryň oýunçylary, aýratynam lionly futbolçylar örän amatly pursatlaryň birnäçesinden ýerlikli peýdalanyp bilmedi.
PSŽ 41-nji finalçy
Şunlukda, PSŽ taryhynda ilkinji gezek, Bawariýa bolsa 11-nji sapar Çempionlar ligasy ýaryşynyň finalynda çykyş eder.PSŽ finala çykan 41-nji topar boldy. Şeýle-de PSŽ finala çykan 5-nji fransuz kluby bolup, ondan öň Reýms (1956, 1959), Sent Etien (1976), Marsel (1993) hem-de Monako (2004) klublary muny başarypdy.
Olardan diňe Marsel toparyna kubogy gazanmak miýesser edipdi. 16 ýyldan soň finala çykan ilkinji fransuz kluby PSŽ Ýewrokuboklarda 2-nji sapar finalda çykyş eder.Bu görkeziji nemes toparynda UEFA-nyň ýaryşlary üçin 17-ä deňdir.
Eger finalda PSŽ ýeňiş gazansa, onda parižliler bu kubogy eýelän 23-nji klub hökmünde hasaba alnar.Bilermenleriň pikirine görä, esasy faworit Bawariýa ýeňiş gazansa, onda olar 6-njy gezek kubogy eýeläp, bu ugurda Liwerpuldan öňe saýlanar we 3-nji basgançaga geçer.
Bawariýa
ýeňlişsiz finala çykdy
PSŽ finala çenli geçiren 10 oýnuň 8-sinde ýeňiş gazandy.Toparçada Real Madrid bilen myhmançylykda deňme-deň oýnan parižliler 1/8 finalyň 1-nji duşuşygynda Borussiýa Dortmunddan asgyn geldi.
PSŽ 10 duşuşykda 25 gol geçirip, 5 gol hem geçirtdi. 10 duşuşygyň ählisinde-de ýeňiş gazanan Bawariýa garşydaşlarynyň derwezesinden 42 gol girizip, Barselonanyň 45 golluk rekordyna golaýlady.Münhenliler öz derwezelerini 8 gezek goldan gorap bilmediler.
Ozalky oýunlarda PSŽ öňde
Iki topar mundan ozal, 8 gezek duşuşdylar. Şolaryň 5-sinde PSŽ, 3-sinde Bawariýa ýeňiş gazandy. Gol gatnaşygynda-da fransuz kluby 1211 öňde. UEFA-nyň klub derejeli 1-nji ýaryşynyň 65-nji çempionyny kesgitlejek bu oýun Lissabonda geçiriljek 3-nji, Luž stadionyndaky 2-nji final bolar.
PSŽ bilen Bawariýanyň arasynda oýnaljak ertirki final Aşgabat wagty bilen 00:00-da başlar. Oýna italiýaly Daniele Orsato eminlik eder.