Prezident Gurbanguly Berdimuhamedowyň ýene bir kitaby çapdan çykdy. Ol “Arkdag taglymaty sagdynlygyň we ruhubelentligiň binýady” diýlip atlandyrylýar. Täze kitap ýurtda sporty giň ýaýbaňlandyrmak ugrunda alnyp barylýan syýasata bagyşlanýar.
Döwlet baştutany 2-nji martda geçiren hökümet maslahatynda bu kitabyň nusgalaryny mejlise gatnaşyjylara sowgat berdi diýip, TDH döwlet habar gullugy habar berýär.
Prezident mundan öň sport hakynda kitap ýazypdy. 2017-nji ýylyň 28-nji sentýabrynda, Aziada geçirilenden soň, Türkmenistanda “Sport dostluga, sagdynlyga we gözellige ýol” atly kitap jemgyýetçilige tanyşdyryldy.
Belleýäris, “Taglymat” Berdimuhmaedowyň bu ýylda çykarylan ilkinji kitaby bolup durýar.Ondan öň, 2017-nji ýylyň 9-njy oktýabrynda prezidentiň “Türkmenistan Beýik ýüpek ýolunyň ýüregi” atly kitaby çapdan çykypdy.
Bu kitap döwlet baştutanynyň 2017-nji ýylda ýazan dördünji kitaby boldy.
Prezident 2016-njy ýylda 7 kitap ýazdy.
Prezidentiň galamyndan häzire çenli 40-dan gowrak kitap çykdy. Şeýle-de onuň sözlän sözleri we aýdan zatlary esasynda birnäçe kitap çap edildi.