Türkmenistanyň prezidenti Gurbanguly Berdimuhmaedow 17-nji noýabrda Ministrler kabinetiniň nobatdaky mejlisini geçirdi.
Hökümet mejlisinde “Altyn asyryň ykdysadyýeti” we “Türkmenistanyň salgyt ulgamy” žurnallarynyň binýadynda Maliýe we ykdysadyýet ministrliginiň täze neşirini döretmek hem teklip edildi diýip, ТДХ döwlet habar agentligi habar berýär.
Prezident täze neşiri döretmek bilen bagly meseleleri düýpli işlemegi tabşyrmak bilen ýurdy “durmuş-ykdysady taýdan ösdürmekde gazanylýan üstünlikleri” giňden beýan etmegiň möhümdigini nygtady.
Belleýäris, Türkmenistanda pudaklar boýunça çap edilýän neşirlere mejbury abuna ýazmak saklanyp galýar.
Mysal üçin, goşunda gulluk edýän esgerler “Esger” gazetini ýa “Goşun” žurnalyny ýazylyp almaga mejbur edilýär. Şeýle-de, “Türkmenistanyň Hronikasyna” noýabr aýynda belli bolmagyna görä, döwlet edaralarynyň işgärlerini we sportsmenleri “Syýasat we jemgyýet” žurnalyny satyn almaga mejbur edýärler.