Al-Nasryň hüjümçisi Kriştianu Ronaldunyň Er-Riýad şäherinde ýaşajak ýeri hem belli boldy. Ol bu şäherdäki 99 gatly Kingdom Tower myhmanhanasynda ýaşar.
Daily Mail neşiriniň habaryna görä, futbolçy özi, maşgalasy, dostlary we howpsuzlyk işgärleri üçin myhmanhananyň 17 otagyny kireýine aldy. Munuň üçin ol ýylda 280 müň ýewro tölär.
Myhmanhananyň otaglarynyň Ronaldunyň Beýik Britaniýada ýaşan öýlerinden hem uludygyny aýtmak gerek. Şeýle hem olarda tutuş şäher eliň aýasynda ýaly görünýär.