Russiýada ýollary ykjam telefonlaryň we telewizorlaryň galyndylaryndan gurup başladylar. Bu barada ýurduň ekologik operatory tarapyndan işlenip düzülen harytlary gaýtadan işlemek boýunça tehnologiýalar albomynda aýdylýar diýip, Gazeta.ru ýazýar.
Köne eltelefonlar we telewizorlar gymmatbaha metallary almakdan başga-da, ýol gurluşygy üçin ikinji çig maldyr diýip, ady tutulan edaranyň başlygy Denis Busaýew aýtdy. Ol Russiýada eltelefonlaryň we telewizorlaryň galyndylaryny gaýtadan işlemek üçin uly mümkinçilikleriň bardygyny sözüniň üstüne goşdy.
Täze taslama boýunça ýol örtügi üçin ykjam telefonlaryň plastiki daşlary we suwuk-kristal telewizorlaryň aýnalary ulanylýar. Olary ilki owradýarlar, gaýtadan işleýärler hem-de ýol-gurluşyk zawodlaryna ugradýarlar.