Şu gün Türkmenistanyň Prezidenti Serdar Berdimuhamedow wideokonferensiýa arkaly Şanhaý Hyzmatdaşlyk Guramasyna agza döwletleriň hökümet Baştutanlarynyň Geňeşiniň 23-nji mejlisine gatnaşdy. Bu barada Kremlin.ru habar berdi.
Hindistanyň Premýer-ministri Narendra Modiniň ýolbaşçylyk etmeginde geçirilen mejlisiň işine Gazagystanyň Prezidenti Kasym-Žomart Tokaýew, Gyrgyzystanyň Prezidenti Sadyr Žaparow, Hytaý Halk Respublikasynyň Başlygy Si Szinpin, Pakistanyň Premýer-ministri Şehbaz Şerif, Täjigistanyň Prezidenti Emomali Rahmon, Özbegistanyň Prezidenti Şawkat Mirziýoýew, Russiýanyň Prezidenti Wladimir Putin wideokonferensiýa arkaly gatnaşýar.
Duşuşyga Belarusyň Prezidenti Aleksandr Lukaşenko, Eýranyň Prezidenti Ebrahim Raisi we Mongoliýanyň Prezidenti Uhnaagiýn Hurelsuh ŞHG-a agza döwletleriň Baştutanlary hökmünde, Türkmenistanyň Prezidenti Serdar Berdimuhamedow bolsa hormatly myhman hökmünde gatnaşýar.
Mundan başga-da, sammite gatnaşýanlaryň hatarynda Şanhaý Hyzmatdaşlyk Guramasynyň hemişelik guramalarynyň ýolbaşçylary we çagyrylan birnäçe halkara guramalaryň we birleşikleriniň wekiliýetleriniň ýolbaşçylary bar.