31-nji dekabrdan 1-nji ýanwara geçilýän gijede Türkmenistanyň şäherlerindäki jemgyýetçilik ýolagçy awtobuslary 06:00-dan 01:00-a çenli halka hyzmat eder.
Türkmenawtoulaglary agentliginiň resmi saýtynda berilýän habara görä, Aşgabat, Arkadag, Balkanabat, Daşoguz, Mary, Türkmenabat şäherlerinde jemgyýetçilik awtobuslary 31-nji dekabrda 06:00-dan 2024-nji ýylyň 1-nji ýanwarynda sagat 01:00-a çenli hyzmat eder.
Şeýle hem Aşgabat — Gökdepe, Aşgabat — Änew, Gökdepe — Arkadag ugurlary boýunça ýolagçy awtobuslary-da 1-nji ýanwara geçilýän gije sagat 01:00-a çenli hyzmat eder.
Şonuň ýaly-da, gije-gündiziň dowamynda taksi hyzmatlarynyň ýerine ýetiriljekdigi barada hem habar berilýär.