Futbol boýunça Türkmenistanyň milli ýygyndysynyň ýarym goragçysy Arslanmyrat Amanow Özbegistanyň futbol çempionatynyň 7-nji tapgyrynda ýeňiş gazanan “Sogdiana” toparynda netijeli oýun geçirdi. Bu barada championat.asia saýtynda habar berilýär.
Özbegistanyň futbol çempionatynyň ýedinji tapgyrynyň çäginde myhmançylykda “Metallurg” bilen duşuşan ildeşimiziň topary 2:0 hasabynda ýeňiş gazandy. Duşuşykdaky birinji topy oýnuň 35-nji minutynda Ş.Jurabekow öz adyna ýazdyrdy. A.Amanowyň pasy bilen geçirilen ikinji topy oýnuň 86-njy minuynda M.Kolakowiç geçirdi.
Türkmenistanly futbolçynyň uşuşygyň 74-nji minutynda J.Hasanowyň ornuna meýdana girendigini bellemek gerek.
Ýeri gelende bellesek, 30 ýaşly A.Amanow “Sogdiana” toparynyň düzümine şu ýylyň ýanwar aýynda goşuldy. Ýarymgoragçymyz geçen möwsüm Almalyk şäheriniň AGMK toparynda geçirdi.