Zelenskiý täze wideo ýüzlenmesinde esasy meselänin Ukraina döwletini goramakdan ybaratdygyny nygtap; “Gepleşiklerde ileri tutýanlarymyz belli. Söweşiň bes edilmegi, howpsuzlyk kepillikleri, özygtyýarlylyk, territorial bitewiligiň ýaňadandan üpjün edilmegi, ýurdumyz üin hakyky kepillikler, ýurdumyzyň hakyky goragy” diýdi.
Rus esgerlerine-de ýüzlenen Zelenskiý, Ukrainadaky söweş meýdanynda ölmegiň ýerine ýarag taşlamaklaryny teklip etdi.
Zelenskiý; “Ýaragyny taşlan her bir rus esgerine mümkinçilik dörediler. Diri galma mümkinçiligi. Esasanda olara ýüzlenýärin. Söweş gazanyna taşlanan esgerlere. Henizem özüni goramak isleýän beýleki rus esgerlerine. Ýaraglaryňyzy taşlaň. Ol, söweş meýdanynda, biziň topraklarymyzda ölmekden gowudyr” diýdi.
Rus uçarlarynyň gabaw astyndaky Mariupolda ýüzlerçe adamyň bukulýan teatryna bilkastlaýyn bomba taşlandygyny we şonuň netijesinde binanyň ýykylandygyny aýdan Ukrainanyň lideri; “Ölenleriň sany heniz belli däl. Russiýanyň halkymyza, Mariupolumyza, Donesk sebitimize edýänleri sebäpli ýürek paralanýar. Russiýanyň raýatlary, Mariupol gabawuňyzyň 2-nji Jahan urşundaky Leningrad gabawundan tapawudy näme” diýdi.
Sanksiýalara garamazdan rus ykdysadyýetiniň henizem Ukrainada “söweş enjamyny” galdyrmaga dowam edýändigini nygtan Zelenskiý, şol sebäpli Russiýa garşy goşmaça sanksiýalaryň goýulmalydygyny, dünýäniň netijede Russiýanyň terror döwletine öwrülendigini resmi taýdan ykrar edip, Ukraina berilýän goldawy hasam artdyrmalydygyny nygtady.
Wladimir Zelenskiý Ýewropa Komissiýasynyň Başlygy Ursula won der Leýen bilen geçiren duşuşygynda Ýewropa ýurtlaryna baran Ukraina raýatlarynyň goldanmagy boýunça ylalaşandyklaryny beýan etdi.
Zelenskiý aýratynam günüň dowamynda Ukrainanyň dostlary, Türkiýäniň Prezidenti R.T.Erdogan we Kanadanyň Premýer-ministri Jastin Trýuda bilen telefon arkaly söhbetdeşlik geçirendigini, şol telefon söhbetdeşliklerinde ýurtda parahatçkylyk üçin täze başlangyçlaryň edilmegi boýunça ylalaşandyklaryny we olara goldawlary üçin sagbolsun aýdýandygyny sözleriniň üstüne goşdy.