UEFA Çempionlar ligasynyň taryhynda ilkinji gezek çärýek finala çykan 8 klubuň 4-siniň tälimçisi bir ýurtdan boldy. Ýagny germaniýaly 4 tälimçi öz tälimçilik edýän toparlary bilen çärýek finalda çykyş etmäge hukuk gazandylar.
Germaniýaly tälimçileriň ikisi nemes klublaryna, beýleki ikisi-de iňlis toparlaryna tälim berýärler “Bawariýanyň” tälimçisi Hans-Diter Flik bilen “Borussiýa Dortmundyň” tälimçisi Edin Terziç hem-de “Çelsi” toparynyň tälimçisi Tomas Tuhel bilen “Liwerpulyň” tälimçisi Ýurgen Klopp.
Ertirki bije çekilişden soň, çärýek finalda olaryň özara duşuşmagy-da mümkin. Şeýle-de olaryň näçesiniň ýaryşy dowam etdirjekdigi janköýerleri içgin gyzyklandyrýar.
The post Çempionlar ligasynyň taryhynda ilkinji gezek appeared first on Zaman Türkmenistan.