Romanyň baş tälimçisi Žoze Mourinýonyň şu möwsümiň ahyrynda wezipesinden gitmegi ahmal.
Sky Italia neşiriniň ýazmagyna görä, ol klubyň ýolbaşçylarynyň alyp barýan syýasatyndan nägile.
Mourinýonyň Roma 2021-nji ýylyň tomsundan bäri tälim berip gelýändigini ýatladýarys. Ol bu topardaky ilkinji möwsüminde Ýewropanyň Konferensiýalar ligasynyň taryhyndaky ilkinji çempion boldy. Şeýlelikde, Roma 2008-nji ýyldan bäri ilkinji kubogyny portugaliýaly tälimçisi bilen gazandy.
Häzir Roma ýaryş tertibinde ýedinji orny eýeleýär. Dünýä çempionatyndan soň topar dört duşuşygyň üçüsinde ýeňiş gazandy.